O Concello de Riveira informa da apertura do prazo de preinscrición para participar nunha viaxe cultural por Salamanca e o norte de Portugal que se inscribe no Programa de Dinamización Social dos Nosos Maiores que promove o Departamento de Servizos Sociais.
A viaxe está prevista para entre os días 7 e 12 de maio. Visitaranse lugares como Salamanca, Ciudad Rodrigo, Guarda, Aveiro, Viseu, Oporto, ademais de participar nun cruceiro polo río Duero e visitar unha bodega. Haberá guía acompañante dende a orixe.
O prezo concreto está aínda por determinar pero rondará os 300 euros. Incúe pensión completa e transporte en autocar.
Os maiores interesados deben dirixirse ao Departamento de Servizos Sociais (no edificio Miradoiro de Padín / teléfono 981 870 131 / servizosociais@riveira.com).
